Bilang ng mga stranded na pasahero sa mga pantalan nabawasan na
Mayroong na lamang 250 na mga pasahero ang stranded sa mga pantalan sa bansa dahil sa bagyong Jolina.
Ayon sa inilabas na Maritime Safety Status ng Philippine Coast Guard (PCG) kabilang sa mga stranded ay mga pasahero, drivers at cargo helpers sa mga pantalan sa Western Visayas, Bicol, at Southern Tagalog.
Mayrooon namang stranded na 3 mga barko, 251 na rolling cargoes at 5 motorbanca.
Habang 42 barko at 55 motorbanca ang pansamantalang nagkakanlong sa mas ligtas na lugar. (DDC)
