130 pang Pinoy tinamaan ng COVID-19 sa ibang bansa; 7 pa ang nasawi
Nadagdagan ng 130 pa ang bilang ng mga Pinoy sa ibang bansa na tinamaan ng COVID-19.
Sa datos mula sa Department of Foreign Affairs (DFA) araw Lunes, Sept. 6, sa kabuuan 23,036 na ang bilang ng mga Pinoy abroad na tinamaan ng COVID-19.
Sa kabuuan ng nasabing bilang, 13,215 na ang gumaling habang 8,445 pa ang sumasailalim sa gamutan.
Nasa 1,376 naman ang kabuuang bilang ng mga nasawing Pinoy sa ibang bansa dahil sa COVID-19 makaraang makapagtala ng 7 pang pumanaw.
Sa Middle East/South Africa mayroong naitalang pinakamaraming kaso na umabot na sa 12,973
Sa Asia Pacific Region naman ay nakapagtala ng 5,376 cases. (DDC)
