COVID wards ng Ynares Hospital sa Montalban punuan na; karamihan sa mga pasyenteng naghihintay na ma-admit kritikal ang kondisyon

Puno na ang mga COVID wards ng Casimiro A. Ynares Sr. Memorial Hospital sa Montalban, Rizal

Sa Emergency Room naman marami pang pasyente ang naghihintay na maadmit na karamihan ay nasa kritikal ang kalagayan.

Dahil dito apela ng pamunuan ng ospital kung nakararanas ng mga sintomas ng COVID-19, magtungo muna sa ibang pagamutan, o ospital upang makakuha ng kaagarang medikal na atensyon.

Kahapon ay nakapagtala ng 20 bagong kaso ng COVID 19 dito sa bayan ng Montalban at ay mayroong 300 aktibong kaso ng sakit. (DDC)