Promosyon ng 40 opisyal ng AFP aprubado na ng Commission on Appointments

Inaprubahan ng Commission on Appointments (CA) ang promisyon ng apatnapung heneral, senior officers, at flag officers ng Armed Forces of the Philippines (AFP).

Kinumpirma ng CA ang ad interim appointments nina Army Brigadier General Jose Augusto Villalreal, B/Gen. George L. Banzon, B/Gen. Danilo D. Benavides, B/Gen. Steve D. Crespillo, at Navy Commodore Mac Raul B. Racacho.

Binigyang go signal na din ng komisyon ang nominasyon ni Air Force Colonel Jeffrey M. Vilela para sa mas mataas na ranggo bilang Brigadier General.

Kasama ding nakumpirma ang ad interim appointments ng labingwalong Army Colonels; dalawang Navy Captains; walong Air Force Colonels; isa mula sa Medical Corps; isa mula sa Corps of Professors; isa mula sa Chaplain Service; isa mula sa Medical and Administrative Corps; at dalawa mula sa Veterinary Corps.

Ayon sa AFP ang promosyon ng mga heneral at Senior Officers ng Sandatahang Lakas ay hindi lamang sumisimbolo sa mas mataas nilang ranggo bilang sundalo.

Kaakibat din nito ang mas krusyal na responsibilidad sa sambayanan at sa bansa. (DDC)