Mahigit 700,000 doses ng Pfizer dumating sa bansa; dadalhin sa mga rehiyon na may mataas na kaso ng COVID-19

Dumating sa bansa ang karagdagang mahigit 700,000 doses ng COVID-19 vaccine ng Pfizer.

Ang mga bakuna ay kabilang sa mga binili ng pamahalaan mula sa Pfizer-BioNTech.

Ayon kay NTF Against COVID-19 chief implementer at vaccine czar Sec. Carlito Galvez Jr., daldahin ang mga bagong dating na Pfizer vaccines sa mga rehiyon na may mataas na kaso ng COVID-19.

Babahaginan din ang mga lugar na hindi pa nakatatanggap ng Pfizer vaccines.

Nagpasalamat naman si Galvez sa US government dahil sa tulong nito upang makabili ang Pilipinas ng suplay ng bakuna. (DDC)