Julia Barretto bagong miyembro ng PCG Auxiliary K9 Squadron
Hinirang ang aktres na si Julia Barretto bilang bagong miyembro ng Philippine Coast Guard (PCG) Auxiliary K9 Squadron.
Pinangunahan ni PCG Commandant, CG Admiral George V. Ursabia Jr. ang donning at oath-taking ceremonies kay Auxiliary Ensign Barretto kasama ang iba pang bagong Auxiliaries na sina Auxiliary Ando Cruise Catipay, Auxiliary Jalil Laidan, at Auxiliary Harold Jocel Talan.
Idinaos ang aktibidad sa National Headquarters ng PCG sa Port Area, Manila.
Ayon kay Ursabia, malaking tulong sa PCG ang mas maraming K9 units para sa pagpapatupad ng national security.
Kumpiyansa si Ursabia na sa pagtatayo ng PCG – PPA K9 Academy sa Clark, Pampanga, sa lalong madaling panahon ay makapagbibigay ang PCG ng high quality at competent K9 units sa iba’t ibang ahensya ng gobyerno.
Nagpasalamat naman si Barretto sa K9 Squadron at nangako ng suporta sa serbisyo nito sa publiko. (DDC)
