Senator Manny Pacquiao tinatapos ang full 10-day quarantine
Hindi umano totoo ang mga ipinakakalat na balita na hindi tinapos ni Senator Manny Pacquiao ang kaniyang quarantine pagdating nito sa bansa matapos ang laban sa US.
Ayon Ron Munsayac, executive director ng PDP-Laban, nakatanggap sila ng ulat na nagpapakalat ng pekeng balita ang mga propagandist ng DDS at DDS trolls na tinakasan ni Pacquiao ang kaniyang quarantine.
Ayon kay Munsayac, sumasailalim sa full 10-day quarantine si Senator Pacquiao at kaniyang pamilya salig sa guidelines ng Inter Agency Task Force.
Sa isang accredited quarantine facility aniya tinatapos ng pamilya Pacquiao ang kaniyang quarantine.
Sinabi ni Munsayac na walang VIP treatment kay Pacquiao at sumusunod ito sa karampatang protocols. (DDC)
