QC LGU nagbabala sa publiko sa fake news kaugnay walk-in sa vaccination sites
Nagpalabas ng babala sa publiko ang Quezon City Local Government kaugnay sa ipinakakalat na balita sa social media na pwedeng magwalk in sa ilang vaccination site.
Ayon sa QC LGU, hindi dapat maniwala agad sa mga maling impormasyon.
Paalala ng lokal na pamahalaan, bawal ang walk-in sa lahat ng vaccination sites sa Quezon City.
Pinayuhan din ang lahat na magbasa lamang ng updates sa official Facebook page ng Quezon City government. (DDC)
