323 pang Pinoy galing UAE dumating sa bansa

Nakauwi na sa bansa ang 323 pang Filipino na na-stranded sa United Arab Emirates.

Lulan sila ng DFA-chartered repatriation flight galing UAE.

Ito na ang ikalimang DFA-chartered repatriation flight mula sa nasabing bansa ngayong buwan ng Agosto at ikalabingdalawang chartered flight mula noong June 2021.

Sa kabuuan, ayon sa DFA, umabot na sa 5,041 ang napauwing Pinoy galing UAE simula nang magkaroon ng pandemya ng COVID-19.

Lahat ng bagong uwing Pinoy ay sasailalim sa istriktong facility-based quarantine.

Tumanggap din sila ng tig-USD 200 bilang reintegration assistance. (DDC)