Sen. Bong Go: Wala kaming isyu sa isa’t isa ni Mayor Sara
Nilinaw ni Senator Bong Go ang mga bali-balitang may sigalot sa pagitan nila ni Davao City Mayor Sara Duterte.
Sa pahayag sinabi ni Go na nagkakausap sila ni Mayor Sara at wala silang isyu sa isa’t isa.
Dagdag pa ni Go, kung anong pagmamahal niya kay Pangulong Rodrigo Duterte ay ganun din ang pagmamahal niya sa mga anak.
Sinabi ni Go na ibinilin sa knaiya ng pangulo na huwag pababayaan ang kaniyang mga anak kung sakaling siya ay mawala na sa mundo.
“Nangako ako sa kanya na sasamahan ko siya habangbuhay. At isa sa mga ipinagbilin niya sa akin ay huwag ko pababayaan ang mga anak niya kung wala na siya sa mundong ito,” dagdag ni Go. (DDC)
