VP Robredo sumasailalim sa quarantine matapos ma-expose sa isang COVID-19 positive
Sumasailalim sa quarantine si Vice President Leni Robredo.
Ayon kay Robredo, na-expose siya sa isang kasamahan sa OVP na nagpositibo sa COVID-19.
“I have been exposed to somebody from our office who tested positive for Covid today. While we have been religiously following health protocols, I am a very close contact,” ani Robredo.
Araw ng Martes nagsimula ang quarantine ng bose presidente matapos makitaan ng sintomas ang pasyente.
Sa Lunes ay sasailalim si Robredo sa RT PCR testing o ikawalong araw matapos ang last day ng exposure niya sa pasyente.
Kahit mag-negatibo sinabi ni Robredo na kailangan niyang niya tapusin ang hanggang ika-14 na araw ng quarantine. (DDC)
