177 pang bagong kaso ng COVID-19 naitala sa Eastern Visayas
Nakapagtala ng dagdag na 177 pang bagong kaso ng COVID-19 sa Eastern Visayas.
Sa inilabas na datos ng Eastern Visayas – Center for Health and Development araw ng Miyerkules – August 25, sumampa na sa 40,053 ang kabuuang kaso ng COVID-19 sa rehiyon.
Sa nasabing bilang, 1,511 ang active cases at 38,090 naman ang gumaling.
452 naman ang kabuuang bilang ng mga pumanaw.
Ang 177 na bagong kaso na nadagdag at mula sa sumusunod na mga lalawigan at lungsod:
Leyte (63)
Southern Leyte (45)
Tacloban City (39)
Northern Samar (13)
Samar (9)
Ormoc City (7)
Eastern Samar (1)
Nasa “high” pa rin ang average daily attack rate sa Ormoc City at sa Tacloban City. (DDC)
