Caloocan City Mayor Oscar Malapitan nagpositibo sa COVID-19

Nagpositibo sa COVID-19 si Caloocan City Mayor Oscar Malapitan.

Sa opisyal na pahayag, sinabi ng alkalde na nasa maayos siyang kalagayan at kasalukuyang nagpapagaling.

Patuloy na gagampanan ni Malapitan ang kanyang tungkulin at mandato upang tugunan ang mga pangangailangan ng mga residente.

Sinabi ni Malapitan na patuloy siyang magbabantay sa mga nagaganap at pangyayari sa lungsod at patuloy ang komunikasyon sa mga iba’t ibang sangay ng pamahalaan.

Hinihikayat ni Malapitan ang nagkaroon ng close contact sa kaniya nitong mga nakaraang araw na kaagad magself-quarantine at sumailalim sa swab test. (DDC)