Manila Mayor Isko Moreno nakalabas na ng ospital matapos maka-recover sa COVID-19
Nakalabas na ng ospital si Manila Mayor Isko Moreno matapos gumaling sa COVID-19.
Sa mga ibinahaging larawan ng Manila Public Information Office, makikita ang paglabas ni Moreno mula sa Manila Infectious Disease Control Center ng Sta. Ana Hospital.
Ngayong araw Miyerkules (August 25) ang ika-labingisang araw ng quarantine ng alkalde.
Ikalimang araw na din niya na wala siyang nararanasang sintomas ng sakit.
Batay sa Discharge and Recovery Criteria ng World Health Organization at ng Center for Disease Control para sa mga COVID-19 patients, maari nang maideklarang “recovered” ang pasyente kung naka-sampung araw na mula nang unang lumabas ang sintomas at wala nang lagnat sa nakalipas na 3 araw.
Sa kaniyang paglabas ng ospital ay sasailalim pa sa more or less 3 days ng isolation ang alkalde. (DDC)
