DOH doble-kayod na para maka-comply sa COA recommendation

Doble-kayod na ang Department of Health (DOH) para makatugon sa rekomendasyon ng Commission on Audit (COA) sa 2020 Annual Audit Report nito sa ahensya.

Sa pahayag ng DOH, pinangungunahan na nina Health Secretary Francisco Duque III at Administration and Financial Management Team Undersecretary Leopoldo Vega ang lahat ng tanggapan sa DOH upang mabilis na makatugon sa COA recommendation.

Sa rekomendasyon ng COA, pinamamadali nito ang probisyon para sa Special Risk Allowance (SRA) sa mga healthcare workers.

Mayroong 60-araw ang DOH upang makatugon sa rekomendasyon ng COA.

Ayon kay Duque, bukas ang kagawaran upang makipagtulungan sa COA.

Samantala, nakikipag-ugnayan na ang mga CHD ng DOH sa mga lokal na pamahalaan at public at private hospitals para sa pagsusumite ng listahan ng healthcare workers na eligible na makatanggap ng SRA. (DDC)