Isa pang pulis pumanaw dahil sa COVID-19

Nakapagtala ang Philippine National Police ng 150 pang bagong kaso ng COVID-19.

Sa datos na inilabas ng PNP Health Service, umabot na sa 33,438 ang total number of cases ng COVID-19 sa PNP.

Sa nasabing bilang, 31,492 ang gumaling na at 1,846 pa ang aktibong kaso.

Nasa 100 naman ang kabuuang bilang ng mga nasawi makaraang makapagtala ng isa pang dagdag na pumanaw.

Ayon sa PNP, isang 44 anyos na pulis mula sa Ilocos Region ang nasawi dahil sa medical complications matapos tamaan ng COVID-19. (DDC)