Senator Lito Lapid nagpositibo sa COVID-19

Nagpositibo sa COVID-19 si Senator Lilto Lapid.

Kinumpirma ito sa inilabas na mensahe ng tanggapan ng senador.

Mild to moderate na infection ang tumama sa senador at ito ay nasa isang ospital sa Clark, Pampanga.

Ayon sa pahayag, wala namang staff si Lapid na na-expose sa kaniya dahil nagpositibo ang senador habang nakasuspinde ang sesyon sa senado.

Tanging ang mga personal at close-in employees ni Lapid ang nagkaroon ng contact sa kaniya.

Negatibo naman sa antigen tests ang mga close contact ng senador. (DDC)