Gerald Anderson handang pakasalan si Julia Baretto

Walang pag-aalinlangan na inamin ni Gerald Anderson, na pakakasalan niya balang araw si Julia Barretto, dahil ito na aniya ang kanyang “the one.”

Gayunman, sinabi ni Gerald na bata pa ang kanyang girlfriend at marami pa itong gustong gawin sa buhay bago lumagay sa tahimik.

Aniya, ayaw niyang maging hadlang sa mga maari pang ibigay ni Julia sa industriya at sa maari pa nitong ipakita sa mga manonood.

Aminado ang aktor na hindi naging madali ang kanilang simula, at nito lamang March sila umamin sa kanilang relasyon.

Ito’y dahil sa kontrobersyal na paghihiwalay nila ng dating kasintahan na si Bea Alonzo noong 2019, bunsod umano ng third party na pinaniwalaang si Julia.

Inamin din ni Gerald ang mga nagawa niyang kasalanan at umaasang patatawarin siya ni Bea.

Kamakailan ay kinumpirma ni Bea na “in a relationship” siya sa actor-model na si Dominic Roque. (Infinite Radio Calbayog)