Libreng sakay sa MRT at LRT sa mga bakunadong APOR magpapatuloy sa pag-iral ng MECQ

Magpapatuloy ang libreng sakay sa mga bakunadong APOR sa MRT at LRT-2 sa kasagsagan ng pag-iral ng Modified Enhanced Community Quarantine (MECQ).

Ayon sa pahayag ng DOTr-MRT 3, tuloy ang libreng sakay para sa mga APOR na nabakunahan na kontra COVID-19 hanggang sa August 31.

Ayon naman sa LRTA, ang libreng sakay sa LRT-2 para sa mga bakunadong APOR ay hanggang August 31 din habang umiiral ang MECQ.

Ipatutupad ang free ride sa non-peak hours mula 5AM to 7AM, 9AM to 5PM, at 7PM to 9PM.

Kailangan lamang ipakita ang vaccination card at ID sa security at station personnel. (DDC)