Malakanyang binati si Senator Manny Pacquiao matapos ang laban kay Yordenis Ugas
Binati ng Palasyo ng Malakanyang si Senator Manny Pacquiao matapos ang laban nito kay Yordenis Ugas.
Sa pahayag sinabi ni Presidential Spokesperson Harry Roque na hindi matatawaran ang suporta ng sambayanan sa boxing career ni Pacquiao.
Ang pagkatalo aniya ni Pacquiao kay Ugas ay hindi makababawas sa karangalang ibinigay nito sa bansa at sa kasiyahang naidudulot nito sa taumbayan.
Mananatili aniya si Senator Pacquiao sa puso ng bawat Filipino bilang “People’s Champ”. (DDC)
