Senado balik sesyon na simula sa Lunes
Balik sesyon na ang mga Senador sa susunod na linggo.
Sinabi ni Senate President Vicente ‘Tito’ Sotto III na magsisimula muli ang kanilang sesyon sa Lunes, Agosto 23.
Patuloy naman anyang ipatutupad ang hybrid session o papayagan ang ibang mambabatas na naka-online.
Idinagdag pa ni Sotto na mananatiling limitado ang papayagang pumasok na empleyado at posibleng agahan nila ang pagsisimula ng sesyon.
Idinagdag pa ng lider ng Senado na lilimitahan nila ang oras ng sesyon upang hindi abutan ng curfew ang mga empleyado nila.
Una nang nag-suspinde ng sesyon ang Senado mula August 6 hanggang August 20 sa gitna ng pagpapatupad ng ECQ sa National Capital Region dahil sa tumataas na COVID-19 infections. (Dang Garcia)
