Oras ng pagpaparehistro mas pinahaba ng Comelec

Simula sa August 23, mas mahaba na ang oras ng pagpaparehistro sa mga tanggapan ng Commission on Elections (Comelec).

Sa inilabas na abiso ng Comelec, magiging alas 8:00 ng umaga hanggang alas 7:00 ng gabi na ang registration mula Lunes hanggang Biyernes.

Kapag naman araw ng Sabado at tuwing holiday, alas 8:00 ng umaga hanggang alas 5:00 ng hapon pwedeng magparehistro.

Layon nitong ma-accommodate ang mas marami pang nais na magparehistro.

42 araw na lamang kasi ang nalalabi bago ang huling araw ng registration. (DDC)