Naitalang bagong kaso ng COVID-19 sa bansa umabot sa mahigit 14,000; dagdag na 258 pa ang pumanaw

Nakapagtala muli ng mahigit 14,000 pang bagong kaso ng COVID-19 sa bansa.

Ayon sa datos ng Department of Health (DOH) araw ng Huwebes, Aug. 19 ay 1,791,003 na ang kabuuang bilang ng kaso ng COVID-19 sa bansa.

Sa magdamag, umabot sa 14,895 ang dagdag na mga kaso.

Sa kabuuang bilang ng COVID-19 cases, 1,648,402 ang gumaling o katumbas ng 92 percent makaraang makapagtala pa ng dagdag na 8,248 na gumaling.

111,720 naman ang active cases o katumbas ng 6.2 percent.

Nasa 30,881 ang kabuuang death toll sa bansa o 1.72 percent makaraang makapagtala ng dagdag na 258 pang nasawi. (DDC)