Natitira pang mga Pinoy sa Afghanistan hinimok na lumikas
Patuloy ang paghikayat ng Department of Foreign Affairs (DFA) sa mga Pinoy sa Afghanistan na lumikas na.
Ayon sa DFA, sa mga Pinoy na hindi pa nakapagpaparehistro para sa repatriation process ay hinihimok na agad nang magpatala.
Nagtutulungan na ang Philippine Embassy sa Islamabad at ang Philippine Foreign Service Posts para sa isinasagawang paglilikas sa mga Pinoy.
Kabilang sa tinitiyak ay ang makuhanan sila ng safe passage, ligtas na pagbiyahe sa Kabul at ligtas na access sa paliparan. (DDC)
