FAKE NEWS ALERT: Kumakalat na larawan ni Mayor Isko Moreno habang nasa ospital peke ayon sa Manila PIO
Inalerto ng Manila Public Information Office ang publiko hinggil sa ipinakakalat na larawan ni Manila Mayor Isko Moreno habang nasa ospital.
Sa nasabing larawan maikitang naka-upo sa hospital bed ang alkalde.
May mga netizen din na nag-post nito sa Facebook kung saan binabatikos ang alkalde sa anila ay pa-photo ops nito kahit mayroon siyang COVID-19.
Ayon sa Manila PIO, ang larawang ipinakakalat ay hindi latest na litrato ni Mayor Moreno matapos siyang dalhin sa Sta. Ana Hospital dahil sa COVID-19.
Ang litratong ikinakalat ay naganap noong regular na inspeksyon ng alkalde sa pagtatayo ng bagong Ospital ng Maynila.
Payo ng Manila PIO, agad i-report sa kanilang tanggapan kung may nakitang fake news sa social media. (DDC)
