Alert Level 4 itinaas ng DFA sa Afghanistan; mga Pinoy pinaghahanda sa posibleng paglilikas

Itinaas ng Department of Foreign Affairs (DFA) ang alert level 4 sa Afghanistan dahil sa nagpapatuloy na armed conflict sa nasabing bansa.

Sa inilabas na situation bulletin, inabisuhan ang mga Pinoy sa Afghanistan na maging handa sa posibleng pagsasagawa ng mandatory repatriation o evacuation.

Sa ilalim ng alert level 4 ang pamahalaan ay kailangan nang magsagawa ng mandatory evacuation sa lahat ng Pinoy sa naturang bansa.

Ayon sa DFA, nakikipag-ugnayan na sila sa Philippine Embassy sa Pakistan para sa paglilikas ng mga natitira pang Pinoy sa Afghanistan.

Batay sa datos ay mayroon pang 130 na Filipino sa nasabing bansa. (DDC)