170 pang bagong kaso ng COVID-19 naitala sa Eastern Visayas
Nakapagtala ng dagdag na 170 pang bagong kaso ng COVID-19 sa Eastern Visayas.
Sa inilabas na datos ng Eastern Visayas – Center for Health and Development araw ng Linggo – August 15, sumampa na sa 38,421 ang kabuuang kaso ng COVID-19 sa rehiyon.
Sa nasabing bilang, 1,249 ang active cases at 36,737 naman ang gumaling.
435 naman ang kabuuang bilang ng mga pumanaw makaraang makapagtala ng 4 pang nasawi.
Ang 170 na bagong kaso na nadagdag at mula sa sumusunod na mga lalawigan at lungsod:
Leyte (57)
Northern Samar (31)
Southern Leyte (30)
Tacloban City (20)
Ormoc City (15)
Biliran (7)
Samar (6)
Eastern Samar (4)
Kapwa nasa “high” pa rin ang average daily attack rate sa Tacloban City at Ormoc City. (DDC)
