147 pang bagong kaso ng COVID-19 naitala sa Eastern Visayas
Nakapagtala ng dagdag na 147 pang bagong kaso ng COVID-19 sa Eastern Visayas.
Sa inilabas na datos ng Eastern Visayas – Center for Health and Development araw ng Biyernes – August 13, sumampa na sa 38,059 ang kabuuang kaso ng COVID-19 sa rehiyon.
Sa nasabing bilang, 1,184 ang active cases at 36,444 naman ang gumaling.
431 naman ang kabuuang bilang ng mga pumanaw.
Ang 147 na bagong kaso na nadagdag at mula sa sumusunod na mga lalawigan at lungsod:
Leyte (80)
Ormoc City (23)
Tacloban City (17)
Eastern Samar (14)
Southern Leyte (8)
Samar (4)
Biliran (1)
Kapwa nasa “high” pa rin ang average daily attack rate sa Tacloban City at Ormoc City. (DDC)
