Tarragona, Davao Oriental niyanig ng magnitude 4.9 at magnitude 4.3 na lindol

Magkasunod na may kalakasang pagyanig ang naitala ng Phivolcs sa lalawigan ng lalawigan ng Davao Oriental.

Naitala ng Phivolcs ang magnitude 4.9 na pagyanig sa layong 208 kilometers southeast ng Tarragona alas 10:25 ng umaga ng Huwebes, August 12.

May lalim na 6 kilometers ang lindol at tectonic ang origin.

Ala 1:25 naman ng hapon nang maitala ang magnitude 4.3 na lindol sa 163 kilometers southeast sa bayan din ng Tarragona.

33 kilometers naman ang lalim ng nasabing pagyanig.

Una nang naitala ng Phivolcs ang magnitude 7.1 na lindol sa Governor Generoso, Davao Oriental ala 1:46 ng madaling araw ng Huwebes. (DDC)