191 pang bagong kaso ng COVID-19 naitala sa Eastern Visayas
Nakapagtala ng dagdag na 191 pang bagong kaso ng COVID-19 sa Eastern Visayas.
Sa inilabas na datos ng Eastern Visayas – Center for Health and Development araw ng Miyerkules, August 11, sumampa na sa 37,689 ang kabuuang kaso ng COVID-19 sa rehiyon.
Sa nasabing bilang, 1,447 ang active cases at 35,813 naman ang gumaling.
430 naman ang kabuuang bilang ng mga pumanaw.
Ang 191 na bagong kaso na nadagdag at mula sa sumusunod na mga lalawigan at lungsod:
Leyte (70)
Samar (37)
Ormoc City (22)
Tacloban City (21)
Eastern Samar (20)
Southern Leyte (18)
Northern Samar (3)
Kapwa nasa “high” ang average daily attack rate sa Tacloban City at Ormoc City. (Dona Dominguez-Cargullo)
