P340K na halaga ng shabu nakumpiska sa Cotabato City
Nakumpiska ng mga tauhan ng Philippine Drug Enforcement Agency at ng Philippine National Police (PNP) ang P340,000 na halaga ng ilegal na droga sa ikinasang buybust operation sa Cotabato City.
Umabot sa 50 gramo ng shabu ang nakumpiska at mula sa naarestong drug suspect sa Purok Datu Aman, Biniruan Poblacion 9.
Kinilala ang suspek na si Coco Mohamad Aban, 30 anyos.
Maliban sa ilegal na droga ay nakuha din sa kaniya ang ginamit na buy bust money at isang unit ng Blue Suzuki Raider.
Inihahanda na ang pagsasampa ng kasong paglabag sa RA 9165 laban sa suspek. (DDC)
