Vaccine Express ng OVP aarangkada sa Quezon City

Dadalhin sa Quezon City ang Vaccine Express ng Office of the Vice President.

Ayon kay VP Leni Robredo sa pakikipagtulungan sa LGU ng QC aarangkada ang Vaccine Express sa lungsod sa Huwebes at Biyernes, August 12 at 13 sa Robinsons Novaliches para sa mga jeepney, tricycle at delivery riders na nakabase sa lungsod.

Paalala ng OVP walang tatanggaping walk-in kaya siguraduhin nakapagpalista sa JODA/TODA o delivery riders’ group.

Para sa mga jeepney at tricycle drivers, dalhin ang driver’s license at JODA/TODA ID.

Para sa delivery riders, dalhin ang driver’s license at certificate of employment/membership.

Kailangan ding hintayin ang abiso ng QC LGU ukol sa oras at araw ng bakuna bago pumunta sa vaccination site. (DDC)