Bahagi ng Ever Gotesco Mall sa QC tinupok ng apoy
Tinupok ng apoy ang bahagi ng Ever Gotesco Mall sa Commonwealth Avenue, Quezon City.
Nagsimula ang sunog pasado alas 2:00 ng madaling araw ng Lunes, August 9.
Sa basement umano ng gusali nagsimula ang apoy.
Hindi naman naapektuhan ang iba pang bahagi ng mall.
Naideklarang fire out ang sunog alas 5:52 ng umaga.
Nagsasagawa na ng imbestigasyon ang Operations and Security group ng mall at ang Bureau of Fire Protection (BFP) sa kung ano ang pinagmulan ng apoy.
Dahil sa nangyaring sunog sarado muna ang Ever Supermarket.
Hindi rin muna matutuloy ang vaccination na schedule ngayong araw. (DDC)
