Pamahalaan target maumpisahan ang COVID-19 vaccination sa mga edad 12 hanggang 17 sa Setyembre o Oktubre

Sa Setyembre o Oktubre target maumpisahan ang pagbabakuna laban sa COVID-19 sa mga batang edad 12 hanggang 17.

Ayon kay vaccine czar Carlito Galvez Jr., mangangailangan ang pamahalaan ng 26 million na mga bakuna para maisagawa ang vaccination sa mga bata.

Ang Food and Drug Administration (FDA) ay nagkaloob na ng emergency use authorization sa Pfizer-BioNTech para magamit din ito sa mga edad 12 hanggang 17.

Naghain na rin ng aplikasyon ang Sinovac para mapayagan silang magamit ang kanilang bakuna sa mga bata at adolescents. (DDC)