Tingloy, Batangas niyanig ng magnitude 4.5 na lindol
Niyanig ng magnitude 4.5 na lindol ang lalawigan ng Batangas.
Naitala ng Phivolcs ang pagyanig sa layong 15 kilometers southwest ng Tingloy alas 12:20 ng madaling araw ng Miyerkules (August 4).
May lalim na 1 kilometer ang pagyanig at tectonic ang origin.
Naitala ang Intensity III sa Tingloy, Batangas at sa San Teodoro, Oriental Mindoro.
Hindi naman ito nagdulot ng pinsala at aftershocks. (Dona Dominguez-Cargullo)
