Lockdown dapat sabayan ng ayuda ayon kay Sen. Grace Poe
Kasabay ng proteksyon sa kalusugan, kailangan matiyak din ng gobyerno na malalabanan ang pagkagutom.
Ito ang iginiit ni Senadora Grace Poe sa gitna ng pag-anunsyo ng bagong quarantine classifications partikular ang paglalagay sa Enhanced Community Quarantine sa Metro Manila simula sa Agosto 6 hanggang 20.
Sinabi ni Poe na dapat kasabay ng lockdown ang sapat na ayuda at tulong sa loob ng dalawang linggong lockdown.
Umaasa naman si Poe na sasamantalahin din ng publiko ang pagkakataon upang magpabakuna.
Para naman kay Senadora Nancy Binay, ang desisyon ng gobyerno ay maituturing na mabilis na pagtugon sa panawagan at pagresponde sa tumataas na kaso ng Delta variant. (Dang Garcia)
