Consular offices ng DFA isasara habang umiiral ang ECQ sa Metro Manila

Simula sa August 6 hanggang August 20 ay isasara muna ang mga consular office ng Department of Foreign Affairs (DFA) sa Metro Manila.

Ayon sa DFA, mananatiling bukas ang kanilang ASEANA office sa Parañaque City sa nasabing mga petsa.

Pero ang tanging ia-accommodate lamang ay ang passport at authentication appointments na naka-schedule.

Habang sarado naman ang lahat ng consular offices at temporary off site passport services sa Metro Manila sa nasabing mga petsa.

Ayon sa DFA ito ay bilang pagtugon sa guidelines ng IATF.

Ang mga aplikante na maaapektuhan ang appointments ay padadalhan ng email tungkol sa bago nilang schedule.