Senator Richard Gordon bumubuti na ang pakiramdam; nananatili pa rin sa ospital

Mas mabuti na ang pakiramdam ni Senator Richard Gordon.

Ayon sa senador, nasa ikaapat na araw siya ng treatment gamit ang Remdesivir.

Pinayuhan aniya siya ng kaniyang mga duktor na manatili pa rin sa ospital, bagaman hindi na siya maituturing na contagious.

Sinabi ni Gordon na napakahalaga ng agarang pag-isolate sa unang senyales pa lamang ng sintomas.

Dahil aniya sa mabilis niyang pag-isolate ay naiwasang mahawa sa kaniya ang asawa niyang si Kate at mga staff niya sa Red Cross at senado.

Bnanggit din muli ng senador ang kahalagahan ng pagpapabakuna, dahil maaring mas matindi aniya ang kaniyang sintomas kung hindi siya bakunado.