BREAKING: NCR sasailalim sa ECQ simula August 5 hanggang August 20
Iiral muli ang pinakamahigpit na quarantine measure sa Metro Manila.
Ayon kay Presidential Spokesperson Harry Roque, inaprubahan ni Pangulong Rodrigo Duterte ang rekomendasyon ng Inter-Agency Task Force na magpatupad ng Enhanced Community Quarantine sa Metro Manila mula August 5, 2021 hanggang August 20, 2021.
Iiral pa rin ang GCQ “with heightened and additional restrictions” sa Metro Manila simula July 30 hanggang August 6.
At itataas sa ECQ pagsapit ng August 6 hanggang 20.
Ani Roque, maraming oras ang ginugol nago mapagpasyahan ang pagpapairal muli ng ECQ sa NCR.
Pinayuhan ng Malakanyang ang publiko na huwag mag-panic buying dahil sa ilalim ng ECQ ay mananatili namang bukas ang mga establisyimentong may kaugnayan sa essential services. (Dona Dominguez-Cargullo)
