Hidilyn Diaz nakabalik na sa bansa matapos ang tagumpay sa Tokyo Olympics
Nakabalik na sa Pilipinas ang kauna-unahang Olympic gold medalist ng bansa na si Hidilyn Diaz.
Dumating sa bansa si Diaz, kasama ang kanyang team, 5:45 ng hapon ng Miyerkules, July 29 sa pamamagitan ng Philippine Airlines flight.
Una nang inihayag ng filipina weightlifter na nasasabik na siyang umuwi at makasama ang kanyang pamilya.
Bago umalis patungong Japan ay nanatili si Diaz sa Malaysia ng mahigit isang taon makaraang ma-stranded bunsod ng coronavirus lockdown.
Nasungkit ni Diaz ang gintong medalya sa Tokyo Olympics makaraang pangunahan ang women’s weightlifting 55-kg category. (Infinite Radio Calbayog)
