AirAsia may handog na lifetime free flights kay Hidilyn Diaz
Pinagkalooban ng lifetime na libreng flight sa AirAsia si Hidilyn Diaz matapos ang kaniyang makasaysayang panalo sa Olympics.
Ayon sa pahayag ng AirAsia ito ay bilang pagkilala sa sakripisyo, passion, at sportmanship ni Diaz sa Tokyo Olympics.
Ayon kay AirAsia Group CEO Tony Fernandes, na sa kabila ng mga pagsubok, ipinaalala sa atin ni Diaz na gaano man kabigat ang pasanin, ay kakayanin ang lahat sa pamamagitan ng inner strength, perseverance at heart of gold.
Binati naman ni AirAsia Philippines CEO Ricky Isla si Diaz sa tagumpay nito at sinabing nawa ay magsilbi siyang inspirasyon sa bawat Filipino.
