75 pang bagong kaso ng COVID-19 naitala sa Eastern Visayas

Nakapagtala ng dagdag na 75 pang bagong kaso ng COVID-19 sa Eastern Visayas.

Sa inilabas na datos ng Eastern Visayas – Center for Health and Development araw ng Martes, July 27, sumampa na sa 35,197 ang kabuuang kaso ng COVID-19 sa rehiyon.

Sa nasabing bilang, 1,273 ang active cases at 33,504 naman ang gumaling.

420 naman ang kabuuang bilang ng mga pumanaw makaraang makapagtala ng isa pang nasawi.

Ang 75 na bagong kaso na nadagdag at mula sa sumusunod na mga lalawigan at lungsod:

Leyte (22)
Ormoc City (18)
Samar (16)
Eastern Samar (9)
Tacloban City (4)
Southern Leyte (3)
Biliran (2)
Northern Samar (1)

Lahat ng lalawigan sa Eastern Visayas ay nasa “medium” na lamang ang average daily attack rate. (Dona Dominguez-Cargullo)