Mahigit 9,000 residente ng Montalban, fully-vaccinated na

Nasa mahigit 9,000 na residente ng Montalban sa lalawigan ng Rizal ang fully-vaccinated na.

Sa inilabas na datos ng Municipal Health Office ng bayan ng Montalban, umanot na sa 13,911 ang nakatanggap ng first dose ng Sinovac; 6,825 ang nakatanggap ng first dose ng Astrazeneca at 1,608 ang nakatanggap ng single dose ng Janssen.

Sa kabuuan, 9,197 na mga residente na ang fully-vaccinated matapos tumanggap ng second dose ng Sinovac at Astrazeneca at ng single dose ng Janssen.

Sa ngayon ay pawang A1, A2, A3 at A4 category ang binabakunahan sa Montalban.

Mayroon pang 4,085 doses ng Janssen vaccine na gagamitin sa vaccination sa Montalban hanggang July 31, 2021.

At mayroong 5,440 doses ng Astrazeneca na para naman sa second dose vaccination sa August 2 hanggang August 6. (BVD)