Mahigit 370,000 doses ng Pfizer vaccines dumating sa bansa
Nakatanggap ang Pilipinas ng karagdagang doses ng bakuna ng Pfizer.
Dumating sa bansa ang 375,570 doses ng Pfizer vaccines na binili ng pamahalaan.
Ayon sa National Task Force Against COVID-19, 51,480 doses nito ang agad dinala sa Cebu City habang 51,480 doses naman ang sa Davao City.
Ang nalalabi pa ay ipamamahagi sa NCR at iba pang lugar.
Ang mga bagong batch ng bakuna na dumating ay bahagi ng 40 million doses na binili ng pamahalaan sa American Pharmaceutical Firm sa ilalim ng nilagdaang supply agreement noong June 20. (Dona Dominguez-Cargullo)
