55 bagong Delta variant cases ng COVID-19 naitala ng DOH
Nakapagtala ng 55 bagong mga kaso ng Delta variant ng COVID-19 ang Department of Health (DOH).
Sa kabuuan, umabot na sa 119 na kaso ng Delta variant ang naitatala sa bansa.
Sa nasabing bilang, 12 na lamang ang aktibong kaso, 103 ang gumaling na at 4 ang pumanaw.
Sa inilabas na datos ng DOH, sa 9,351 na samples na isinailalim sa sequencing ng UP-PGC, may naitala ding 179 cases ng Beta variant, 94 cases ng Alpha variant, at 9 na kaso ng P.3 variant. (Dona Dominguez-Cargullo)
