Habagat magpapaulan pa rin sa araw ng SONA ni Pangulong Duterte
Nagpalabas ng special weather outlook ang PAGASA para sa gaganaping State of the Nation Address ni Pangulong Rodrigo Duterte bukas, July 26.
Ayon sa PAGASA, magpapaulan pa rin sa malaking bahagi ng bansa ang Habagat at mananatili ang pag-iral nito sa susunod na limang araw.
Para sa araw ng Lunes (July 26) na araw ng SONA ng pangulo, ang western section ng Luzon kabilang ang Metro Manila ay makararanas pa rin ng maulap na papawirin na may kalat-kalat na mahina hanggang katamtaman at kung minsan ay malakas na pag-ulan.
Wala namang bagyo na inaasahang papasok sa bansa. (Dona Dominguez-Cargullo)
