“All systems go” na para sa SONA ni Pangulong Duterte

Handa na ang lahat para sa gaganaping State of the Nation Address ni Pangulong Rodrigo Duterte.

Ayon kay House Speaker Lord Allan Velasco nakahanda na ang Batasang Pambansa sa gaganaping huling SONA ng pangulo.

Tiniyak ni Velasco na mahigpit na paiiral ang security at health protocols para masiguro ang kaligtasan ni Pangulong Duterte, at ng mga dadalo.

Isinailalim sa strict lockdown ang Batasang Pambansa bago ang SONA ng pangulo bukas, July 26.

Ang mga congressional staff at SONA attendees ay kailangang magpakita ng kanilang vaccination cards bilang katunayan na sila ay fully vaccinated, at negatibong resulta ng RT-PCR at antigen tests.

Sa loob ng plenaryo, 300 katao lamang ang papayagang makapasok.

Kasama ding pinaghandaan ang magiging daloy ng traffic sa palibot ng Batasan complex. (Dona Dominguez-Cargullo)