Mahigit 300 pamilya inilikas na sa tatlong barangay sa Montalban

Mahigit 300 pamilya na ang inilikas mula sa tatlong mga barangay sa bayan ng Montalban.

Ayon sa datos mula sa Municipal Social Welfare and Development Office ng Montalban, 326 na pamilya o katumbas ng 1,396 na katao ang inilikas.

Mula sila sa Barangay San jose, Burgos, at Manggahan.

Pitong evacuation center ang binuksan para pansamantalang matuluyan ng mga inilikas.

Dahil sa patuloy na pag-ulan simula kahapon binaha na ang mabababang lugar sa Montalban.

Simula kagabi ay nag-iikot ang mga tauhan ng MDRRMO ng Montalban para bantayan ang mga bahaing lugar.

Nagpadala din ng augmentation ang Philippine Coast Guard para tumulong sa paglilikas. (Dona Dominguez-Cargullo)