Lacson-Sotto tandem tuloy na sa 2022 elections
Kinumpirma na nina Sen. Panfilo Lacson at Senate President Vicente Sotto III ang kanilang kandidatura sa 2022 national elections.
Sinabi ni Lacson na nakabuo na sila ng desisyon para sa kanyang pagsabak bilang presidential candidate habang si sotto ang kanyang vice presidential candidate.
Sa gitna ito ng patuloy nilang konsultasyon sa iba’t ibang sektor ng bansa.
Samantala, idineklara ni Sotto na hindi sila magiging pro-administration candidates o opposition bets at sa halip sila ay maituturing na alternative candidates.
Binigyang-diin a ni Sotto na ang kanilang desisyong kumandidato ay bunsod na rin ng kanilang pagmamahal sa bayan.
Tiniyak pa ni Sotto ang pagsusulong ng budget reforms upang matiyak na ang national funds ay mapupunta hanggang sa mga lokal na gobyerno. (Dang Garcia)
