Philippine Red Cross nakapagbakuna na ng mahigit 37,000 katao
Umabot na sa mahigit 37,000 katao angnabakunahan ng Philippine Red Cross laban sa COVID-19.
Sa update mula sa Red Cross, kabuuang 37,300 katao ang kanilang nabakunahan sa pamamagitan ng PRC Bakuna Centers at Bakuna Bus.
Ayon sa datos, 35,232 ang nabakunahan sa PRC Bakuna Centers habang 2,068 ang nabakunahan sa PRC Mobile Vaccine Clinics na tinawag na Bakuna Bus.
Tiniyak naman ng PRC na magpapatuloy ang kanilang free vaccination programs at services sa mga nangangailangan sa iba’t ibang bahagi ng bansa.
